ሙያዊ ስነ-ምግባርን የተላበሰ አገልግሎት አሰጣጥ ላይ ያተኮረ ስልጠና ተሰጠ፤

ሙያዊ ስነ-ምግባርን የተላበሰ አገልግሎት አሰጣጥ ላይ ያተኮረ ስልጠና ተሰጠ፤

ለአማራ ክልል የሕብረተሰብ ጤና ኢንስቲትዩት አመራርና ሰራተኞች ለስራ ምቹ የሆነ የአሰራር ስልትና ባህል በተቋሙ ለማዳበር የሚያግዝ ስልጠና ጥር 8/2013 ዓ.ም ተሰጥቷል፡፡ ስልጠናዉ የተቋሙን ግቦች ከማሳካት አኳያ የተቋሙ አመራሮችና ሰራተኞች መልካም ስነ-ምግባርን በተላበሰ መልኩ አገልግሎት ለዜጎች ተደራሽ ለማድረግ ሲሆን በስልጠናዉ በስነ-ምግባር ዙሪያ ያላቸውን ክህሎት በማጎልበትና በቂ ግንዛቤ በመያዝ የተጣለባቸዉን ኃላፊነት በቅንነትና በታማኝነት ለመወጣት ሙያዊ ስነ-ምግባርን የተላበሰ የህዝብ አገልጋይነት መንፈስን ለማጎልበት ጥቅም ያለዉ ነዉ፡፡ ስልጠናዉ የተሰጠዉ በአቶ ሞላ በላይ እና አቶ ዘላለም ንጉሴ ሲሆን ርኅራኄ፣ አክብሮትና እንክብካቤ እና ሙያዊ ስነ-ምግባርን የተላበሰ አገልግሎት አሰጣጥ፣ የደንበኞች አያያዝና የተግባቦት ክህሎት፣ በሚሉ ርዕሶች ሲሆን በማንኛዉም ሁኔታ ማንነትንና የግለሰቦችን ክብር በማይነካ መንገድ በጥሩ ስነ-ምግባር አገልግሎት መስጠት እንደሚገባም ግንዛቤ ተፈጥሯል፡ በአገልግሎት አሰጣጥና ቅሬታ ማስተናገጃ የስራ ክፍል የተከናወኑ ተግባራት በስራ ክፍሉ ባለሙያ ወይዘሮ የሽወርቅ ፈቃዴ የቀረበ ሲሆን የቅሬታ ምንጭ የሆኑ አሰራሮችና አፈፃፀሞችን ለመለየት የሚያስችል የዳሰሳ ጥናት መከናወኑ፣ አገልግሎት ሰጭና ተቀባይ መብትና ግዴታዎችን እንዲያዉቁ ማድረግ፣ በአገልግሎት አሰጣጥ ሂደት የሚከሰቱ አለመግባባቶችን እንዲፈቱ ለማድረግ የተሰሩ ስራዎችም አቅርበዋል፡፡ የኢንስቲትዩቱ ዋና ዳይሬክተር አቶ በላይ በዛብህ እንደዚህ አይነት ስልጠናዎች በተሰማራንበት የስራ መስክ ጠንክረን እንድንሰራ የሚያነቃቁና የህዝብ አገልጋይነታችንን የሚያጎለብት ስለሆኑ ተጠናክረዉ መቀጠል አለባቸዉ ብለዋል፡፡ አሕጤኢ 10/5/2013 ዓ.ም
በአንድ አካባቢ የሚከሰት የሕብረተሰብ የጤና ችግር ለየትኛዉም ቦታ ስጋት በመሆኑ ተገለፀ፤

በአንድ አካባቢ የሚከሰት የሕብረተሰብ የጤና ችግር ለየትኛዉም ቦታ ስጋት በመሆኑ ተገለፀ፤

የስምምነቱ ዓላማ ሁለቱ ተቋማት የተለያዩ ባለሙያዎችን በማሰባሰብ ጥናትና ምርምር ለመስራት፣ ስንቅ የሚል ወርሃዊ የዉይይት ፕሮግራም በማዘጋጀት ያለቁ የምርምር ስራዎች የፕሮግራም ሰዎች እንዲጠቀሙባቸዉና ጥቅም ላይ እንዲዉሉ ለማድረግ እንዲሁም በአቅም ግንባታ ስልጠናዎች በጋራ ተባብረዉ ለመስራት ነው። ኢንስቲትዩት በህግ ከተሰጡት ተግባራት መካከል በህብረተሰብ ጤና ምርምር አጀንዳዎች ላይ ተመስርቶ ቅድሚያ ትኩረት በተሰጣቸዉ የጤና ችግሮች ላይ የጥናትና ምርምር ስራዎችን ማካሄድ፣ ሳይንሳዊና ቴክኖሎጅያዊ እዉቀትን በማመንጨት፣ በመቅሰምና በማሰራጨት የህብረተሰቡን ጤና ማሻሻል ሲሆን ለዚህ ተግባር መሳለጥ ከባለድርሻ አካላት ጋር ተቀናጅቶ መስራት ሚናዉ የጎላ በመሆኑ የስምምነት ሰነዱ ተፈርሟል፡፡ የኢንስቲትዩቱ ዋና ዳይሬክተር አቶ በላይ በዛብህ በስምምነት ፊርማዉ ላይ እንደተናገሩት ዋናዉ የተቋሙ ምሰሶ የጤና ምርምር ላይ በትብብር በመስራት፣ የአቅም ግንባታ ስራ በመስራት እና ወደፊት ተመራማሪዎችን ማፍራት፣ ህብረተሰቡ ላይ ለዉጥ የሚያመጣ ችግር ፈች የሆነ ምርምር ማካሄድ ነው። በክልሉ ያሉ ዩኒቨርሲቲዎችን ማስተባበርና የተሰሩትን ጥናቶች ሳይንሳዊ እንዲሆኑ ማድረግ ሲሆን ይህ በጋራ የመስራት የትብብር ፕሮግራም በክልላችን ላሉ ዩኒቨርሲቲዎች እና ለሌሎችም በትብብር ለመስራት ፍላጎት ላላቸዉ ተቋማትና አጋር ድርጅቶች ትልቅ በር የሚከፍት ነዉ ብለዋል ብለዋል ዋና ዳይሬክተሩ፡፡ ልንተጋገዝባቸዉና አብረን ልንሰራባቸዉ የሚገቡ በርካታ ስራዎች አሉ ያሉት የፍኖተ ሃርቫርድ ፕሮጀክት ዳይሬክተር ፕሮፌሰር ፅኑኤል ግርማ በሃገራችን በርካታ ያልተጠቀምንባቸዉ መረጃ፣ እዉቀትና የሰዉ ሀይል ያለ መሆኑን ገልፀው ኢንስቲትዩቱ ካለዉ እቅድና ዓላማ አኳያ ያለዉን የሰዉ ሃይል በማስተማርና ልምድ በማጋራት የሚሰሩ ችግር ፈች ምርምሮች ላይ ቴክኒካል ድጋፍ በማድረግ አብረዉ ለመስራት ፈቃደኛ መሆናቸዉን ተናግረዋል፡፡ የፕሮጀክቱ ምክትል ዳይሬክተር ፕሮፌሰር ምርኩዜ ወልዴ እና የፕሮጀክቱ አማካሪ ዶክተር ትዝታ ጥላሁን ካሁን በፊት ፕሮጀክቱ በሰራባቸዉ ክልሎች ያለዉን ልምድ ለኢንስቲትዩቱ አጋርተዋል፡፡ በመግባቢያ ስምምነት ፊርማ ስነ-ስርዓት ማጠቃለያ ላይ የኢንስቲትዩቱ ምክትል ዋና ዳይሬክተር ዶክተር ማህተመ ኃይሌ ካሁን በፊት ሊያንቀሳቅሰን የሚችል አጋር አለመኖሩን ጠቅሰዉ ከዚህ በኋላ በተደራጀ መንገድ ተጠናክረን እንሰራለን ብለዋል፡፡ አህጤኢ 7/5/2013 ዓ.ም
በአንድ አካባቢ የሚከሰት የሕብረተሰብ የጤና ችግር ለየትኛዉም ቦታ ስጋት በመሆኑ ተገለፀ፤

በአንድ አካባቢ የሚከሰት የሕብረተሰብ የጤና ችግር ለየትኛዉም ቦታ ስጋት በመሆኑ ተገለፀ፤

የአማራ ክልል የሕብረተሰብ ጤና ኢንስቲትዩት በሕብረተሰብ ጤና አዳጋዎች ማሳለጫ ማዕከል ምንነትና ተግባራት፣ የህብረተሰብ ጤና ስጋቶች እና ሁሉን አቀፍ የዝግጁነት ተግባራት ላይ ያተኮረ ስልጠና ከታህሳስ 30 እስከ ጥር 1/2013 ዓ.ም በእንጅባራ ከተማ ተሰጥቷል፡፡ የኢንስቲትዩቱ ዋና ዳይሬክተር አቶ በላይ በዛብህ አሁን ባለው ሁኔታ ወረርሽኝ ከአንዱ አህጉር ወደ ሌላው በፍጥነትና በቀላሉ የመሰራጨት እድሉ ከፍተኛ መሆኑን ገልጸው የህብረተሰብ ጤና ስጋቶች ከመከሰታቸዉ በፊትና በሚከሰቱበት ወቅት ከመደበኛዉ አሰራር ስርዓት ወጣ ባለ መልኩ የቅድመ ዝግጅት ስራዎች የብዙዎችን ትብብር የሚጠይቅ ነው ብለዋል፡፡ ዋና ዳይሬክተሩ አያይዘዉም ኢንስቲትዩቱ የተቋቋመበት ዓላማ፣ ከሕብረተሰብ ጤና አዳጋዎች ቁጥጥር አኳያ ያለው ሚና እና የሕብረተሰብ ጤና አዳጋዎች ማሳለጫ ማዕከል ዓላማና ተግባራት ላይ ያተኮረ ፅሁፍ ያቀረቡ ሲሆን ወረርሽኝን ለመከላከልና ለመቆጣጠር ቅድሚያ ስጋቶችንና ተጋላጭነትን የመለየት ሁኔታዎችን መዳሰስና የቅኝት ስራ በማከናወን ሕብረተሰቡን በማሳተፍ ከወረርሽኝና አጠቃላይ ከስጋቶች ራሱን እንዲከላከል ማድረግ ይጠበቃልም ብለዋል፡፡ የአብክመ ጤና ቢሮ የእቅድ ዝግጅት፣ ክትትልና ግምገማ ዳይሬክቶሬት ዳይሬክተር አቶ ተክለኃይማኖት ገ/ህይወት በሕብረተሰብ ጤና አዳጋዎች ምንነት፣ በኢትዮጵያ ያለዉን የህብረተሰብ ጤና አዳጋ ስጋቶች፣ በወረርሽኝ ቅድመ ዝግጅትና ማስጠንቀቂያ፣ ምላሽ አሰጣጥና ክስተትን መቆጣጠሪያ ስልቶች በሚሉ ርዕሶች ዙሪያ ስልጠና ሰጥተዋል፡፡ በመድረኩ ማጠቃለያ ላይ በአንድ አካባቢ የሚከሰት የሕብረተሰብ የጤና ችግር በየትኛዉም ቦታ ስጋት በመሆኑ ለመከላከልና ምላሽ ለመስጠት ነባራዊ ሁኔታዎችን አዉቆና ተገንዝቦ ለመስራትና ለመተባበር ስልጠናዉ አስፈላጊ ነዉ ዋና ዳይሬክተሩ ገልፀዋል፡፡ ተሳታፊዎች ከስልጠናዉ ያገኙት ግንዛቤ ጥሩ መሆኑን ገልጸዉ ዓላማችን ህብረተሰቡን ማገልገል በመሆኑ ሁሉም ተባባሪ ሆኖ በመስራት የወረርሽኝ መከላከል ስራ የኛ ብለን በመደጋገፍ እንሰራለን ብለዋል፡፡ በስልጠናው ከአብክመ ጤና ቢሮ እና የኢንስቲትዩቱ የማኔጅመንት አባላት፣ ኬዝ ቲም አስተባባሪዎች እና ለሚመለከታቸዉ ባለሙያዎች ተሰሳትፈዋል፡፡ አሕጤኢ 3/5/2013 ዓ.ም
ለኢንስቲትዩቱ አመራርና ሰራተኞች የመልካም አስተዳደር ስልጠና ተሰጠ፤

ለኢንስቲትዩቱ አመራርና ሰራተኞች የመልካም አስተዳደር ስልጠና ተሰጠ፤

ለአማራ ክልል የሕብረተሰብ ጤና ኢንስቲትዩት አመራርና ሰራተኞች በመልካም አስተዳደር ዙሪያ ታህሳስ 21/2013 ዓ.ም በባህር ዳር ከተማ ስልጠና ተሰጥቷል፡፡ በመድረኩ መክፈቻ ላይ የኢንስቲትዩቱ ዋና ዳይሬክተር አቶ በላይ በዛብህ እንደዚህ ዓይነት ስልጠናዎችን በተከታታይ መሰጠት እንዳለበት ገልፀው የኢንስቲትዩቱን ራዕይ በማሳካት በኢትዮጵያ ብሎም በአፍሪካ ተወዳዳሪ ተቋም ለመፍጠር በጋራ መስራት እንዳለባቸው አሳስበዋል፡፡ ስልጠናውን የሰጡት የባህር ዳር ዩኒቨርስቲ መምህር አቶ የሻምበል አጉማስ ሲሆኑ በተቋሙ ያሉ ችግሮችን ለይቶ ማስወገድ፣ ጥናትና ምርምር ማካሄድ እንዲሁም ሳይንስን፣ ፍልስፍናንና ጥበብን አዋህዶ በመስራት ህብረተሰባችሁን በቅንነት ማልገል እንዳባቸው አስረድተዋል፡፡ አቶ የሻምበል አያይዘውም የተቋሙ አመራሮች ከሰራተኞች ጋር የሚገናኙበት ቋሚ የሆነ መድረክ በማመቻት የስራ ፍልስፍቸውን ማሳወቅ እንዲሁም ሁሉም አመራርና ሰራተኛ የተመደበበትን የስራ ሃላፊነት በመወጣት ለተቋሙ ለውጥ በጋራ በመስራት እንዳባቸው አሳስበዋል፡፡ የመድረኩ ተሳታፊዎች በበኩላቸው በስልጠናው እውቀት ያገኙበት እና ለስራቸው አጋዥ መሆኑን ገልፀው ወደፊት እንደዚህ ዓይነት ስልጠናዎች ቢሰጡ መልካም ነው ብለዋል፡፡
የላቦራቶሪ ግብዓት አቅርቦትና የህክምና መሣሪያ ጥገና ውይይት ተካሄዷል፤

የላቦራቶሪ ግብዓት አቅርቦትና የህክምና መሣሪያ ጥገና ውይይት ተካሄዷል፤

የአማራ ክልል የህብረተሰብ ጤና ኢንስቲትዩት በላቦራቶሪ ግብዓት፣ በህክምና መሣሪያ ማሽኖችና የሪኤጀንት አቅርቦት ላይ ታህሳስ 20/2013 ዓ.ም ውይይት ተካሄዷል፡፡ በመድረኩ ላይ ለውይይቱ መነሻ የሚሆን ጽሁፍ ከኢትዮጵያ መድሃኒት አቅርቦት ኤጀንሲ እና ከኢትዮጵያ የህብረተሰብ ጤና ኢንስቲትዩት በመጡ ባለሙያዎች የቀረበ ሲሆን ከጤና ሚኒስቴርና፣ ከኢትዮጵያ የህብረተሰብ ጤና ኢንስቲትዩት፣ ከኢትዮጵያ መድሃኒት አቅርቦት ኤጀንሲ፣ ከተለያዩ የላቦራቶሪ ማሽንና ግብዓት አቅራቢና አምራች ካምፓኒዎች፣ የአብክመ ጤና ቢሮ የሆስፒታል ስራ አስኪያጆች እና የሚመለከታቸው አካላት ተሳትፈዋል፡፡
6.	የአማራ ክልል ጤና ቢሮ ከአማራ ክልል የህብረተሰብ ጤና ኢንስቲትዩት ጋር በመተባበር “የኮቪድ-19 መከላከልና መቆጣጠር እና የማህበረሰብ አቀፍ ጤና መድን ተግባራት የንቅናቄ መድረክ” ከጤና ሚኒስቴር የስራ ሃላፊዎች፣ የክልል፣ የዞንና የወረዳ አመራሮች፣ አጋር ድርጅቶች፣ በክልሉ ያሉ ዩኒቨርሲቲዎችና ተጋባዥ እንግዶች በተገኙበት በባህርዳር ከተማ ክልል ምክር ቤት የመሰብሰቢያ አዳራሽ ታህሳስ 19/2013 ዓ.ም ተካሄደ፤

የአማራ ክልል ጤና ቢሮ ከአማራ ክልል የህብረተሰብ ጤና ኢንስቲትዩት ጋር በመተባበር “የኮቪድ-19 መከላከልና መቆጣጠር እና የማህበረሰብ አቀፍ ጤና መድን ተግባራት የንቅናቄ መድረክ” ከጤና ሚኒስቴር የስራ ሃላፊዎች፣ የክልል፣ የዞንና የወረዳ አመራሮች፣ አጋር ድርጅቶች፣ በክልሉ ያሉ ዩኒቨርሲቲዎችና ተጋባዥ እንግዶች በተገኙበት በባህርዳር ከተማ ክልል ምክር ቤት የመሰብሰቢያ አዳራሽ ታህሳስ 19/2013 ዓ.ም ተካሄደ፤

የጤና ሚኒስቴር ሚንስትር ዶክተር ሊያ ታደሰ ማህበረሰባችን የጤና አገልግሎት እንዲያገኝ በሚደረገዉ ጥረት ከኪስ በሚወጣ ወጭ ለድህነት እንዳይዳረግ መከላከልና የጤና መድን አገልግሎት እንዲያገኝ ማድረግ ይገባል ብለዋል፡፡ ከ10 ዓመት በፊት በጥቂት ወረዳዎች በሙከራ የተጀመረዉ የጤና መድን ዛሬ ላይ በሃገራችን 770 በሚሆኑ ወረዳዎች ከ32 ሚሊዮን በላይ ሰዎች አባል እንደሆኑና አገልግሎት እያገኙ መሆኑንም ዶክተር ሊያ ተናግረዋል፡፡ ነባር አባላት እድሳት እንዲያደርጉና አዳዲስ አባላት ወደ ማዕቀፉ እንዲገቡ ማድረግ ይጠበቃልም ብለዋል፡፡ የኮሮና ወረርሽኝን በተመለከተ እንደ ሃገር ወረርሽኙ ከተከሰተ ጀምሮ በሁሉም ከፍተኛ ርብርብ የመከላከልና መቆጣጠር ስራዎች ሲሰሩ መቆየታቸዉን የገለፁት ሚንስትሯ የመከላከል ስራዎች በመቀዛቀዛቸዉ በየቀኑ ወደ ፅኑ ህሙማን ክፍል የሚገቡ የቫይረሱ ተጠቂዎች እየበዙ መሆኑንና ሁላችንም በባቤትነት ይዘን በጋራ የወረርሽኙ ስጋትነት እስከሚወገድ ድረስ አጠናክረን ልንሰራ ይገባልም ብለዋል፡፡ የአማራ ክልል ርዕሰ መስተተዳደር አቶ አገኘሁ ተሻገር በበኩላቸዉ እንደ ሌሎች ሃገሮች ሁሉ ወረርሽኙ በክልላችን ከፍተኛ ኢኮኖሚያዊ፣ ፖለቲካዊ፣ ማህበራዊና ስነ-ልቦናዊ ችግሮች ማስከተሉን ገልፀዉ ወረርሽኙን ለመከላከል ከክልል እስከ ቀበሌ አደረጃጀቶች ተዘርግተዉ ተግባራት ሲከወኑ ቆይተዋል ብለዋል፡፡ የተሳሳቱ ግንዛቤዎችና አመለካከቶች በማህበረሰቡ ዉስጥ ይስተዋላሉ ያሉት አቶ አገኘሁ በትኩረት ልንነጋገርበትና ልንመካከርበት ይገባልም ብለዋል፡፡ ሁሉም የህብረተሰብ ክፍል አመራሩና የጤና ባለሙያዉ በህግ የማስከበር ዘመቻ ያደረገዉን ትግል ሁሉ የኮሮና ቫይረስ ወረርሽኝን ለመከላልና ለመቆጣጠር ራሱን ቤተሰቡንና ህብረተሰቡን እንዲታደግ ጥሪያቸዉን አስተላልፈዋል፡፡ አቶ አገኘሁ አያይዘዉም ኮሮናን ከመከላከል ተግባራት ጎን ለጎን የማህበረሰብ አቀፍ ጤና መድን አገልግሎትን ማሻሻል ለነገ የሚባል ተግባር ባለመሆኑ ህብረተሰባችንን ከድንገተኛ ወጭ መታደግ ይገባል ብለዋል፡፡ የአማራ ክልል ጤና ቢሮ ሃላፊ ዶክተር መልካሙ አብቴ እንዳሉት ወረርሽኙን ለመከላከልና ለመቆጣጠር በህብረተሰቡ ዉስጥ እየታየ ያለዉ ከፍተኛ መዘናጋትና መቀዛቀዝ እጅግ አሳሳቢ በመሆኑ፣ ከዚህም አልፎ አሁን ባደጉ ሃገራት አዲስ የቫይረስ ዝርያ በመከሰቱና ከዚህ በፊት ከነበረዉ ቫይረስ በተለየ ፈጣን በሆነ መንገድ የሚዛመት እንደሆነ የችግሩ ሰለባ ከሆኑ ሀገራት መረጃዎች በመገኘታቸዉ ሁሉም ባለድርሻ አካላት ከፍተኛ ርብርብና ድጋፍ በማድረግ የወረርሽኙን ስርጭት መግታት ይጠበቃል ብለዋል፡፡ በክልሉ የሚገኙ ዩኒቨርሲቲዎችን ጨምሮ የኮሮና ወረርሽኝን ለመከላከልና ለመቆጣጠር የተሰሩ ስራዎች ፎቶ ኢግዚቢሽን ቀርቦ በተሳታፊዎች የተጎበኘ ሲሆን በመድረኩም የተሻለ አፈጻጸም ላስመዘገቡ አካላት የእዉቅና ሽልማት ተሰጥቷል፡፡
በኮሮና ቫይረስ ወረርሽኝ እና የጤና መድህን ተደራሽነት ላይ ያተኮረ የንቅናቄ መድረክና ዘመቻ ሊካሄድ ነዉ፤

በኮሮና ቫይረስ ወረርሽኝ እና የጤና መድህን ተደራሽነት ላይ ያተኮረ የንቅናቄ መድረክና ዘመቻ ሊካሄድ ነዉ፤

“የኮሮና ቫይረስ ወረርሽኝ እና የጤና መድህን ተደራሽነትን ማረጋገጥ የሁላችን ሃላፊነት ነዉ” በሚል ክልላዊ የንቅናቄ መድረክ ሊካሄድ መሆኑን የአማራ ክልል ጤና ቢሮ ሃላፊ ዶክተር መልካሙ አብቴ ዛሬ ለጋዜጠኞች በሰጡት ጋዜጣዊ መግለጫ አስታዉቀዋል፡፡ እንደ ዶክተር መልካሙ ገለፃ የኮሮና ቫይረስ ወረርሽኝ በባለፈዉ ዓመት ጀምሮ በሃገራችን ብሎም በክልላችን በመከሰቱ ወረርሽኙን ለመከላከልና ለመቆጣጠር የማስተማር፣ የመለየት፣ የማከምና የመመርመር ስራዎች በስፋት መከናወናቸዉንና በንቅናቄ ሲሰራ የቆየ መሆኑን አዉስተዉ ከቅርብ ጊዜ ወዲህ ግን የመከላከያ መንገዶች አተገባበር በህብረተሰቡ ዉስጥ መቀዛቀዝ በመፈጠሩ ምክንያት የወረርሽኙ ስርጭት እየጨመረ በመሄዱ የንቅናቄ ዘመቻ ለማካሄድ ዝግጅት እየተደረገ ነዉ ብለዋል፡፡ የኮሮና ወረርሽኝን የመከላከል ስራ የሁሉም ሃላፊነት በመሆኑ ማንኛዉም ሰዉ የትኛዉንም አይነት አገልግሎት በሚሰጥበት ወቅት የመከላከያ መንገዶችን መተግበር እንደሚገባና በማህበረሰቡ ዉስጥ ግንዛቤ የመፍጠር ስራ በትኩረት መሰራት እንዳለበትም ገልፀዋል፡፡ ዶክተር መልካሙ አያይዘዉም ከኮቪድ-19 ትግበራ ጎን ሁሉንም ሰዉ ከድንገተኛ ወጭ የሚታደገዉን የማህበረሰብ አቀፍ ጤና መድህን አገልግሎት በማጠናከር አዳዲስ አባላትን የማፍራትና የነባር አባላትን የማስቀጠል ስራ በንቅናቄዉ በትኩረት ይሰራል ተብሏል፡፡
በአማራ ክልል ሁለተኛውን የልጅነት ልምሻ (የፖሊዮ) በሽታ ለመከላከያ የክትባት ዘመቻ እየተካሄደ ነው

በአማራ ክልል ሁለተኛውን የልጅነት ልምሻ (የፖሊዮ) በሽታ ለመከላከያ የክትባት ዘመቻ እየተካሄደ ነው

ፓሊዮ ቫይረስ ሕፃናትን ለህመም፣ ለሞት እና ለዘላቂ አካል ጉዳተኛነት የሚዳርግ ከሰው ወደ ሰው የሚተላለፍ በሽታ አምጪ ተህዋስ ነው፡፡ በሽታውን መከላከል የሚቻለው ህፃናትን በመደበኛ የክትባት መርሃ ግብር እና በዘመቻ መልክ የሚሰጠውን የማጠናከሪያ ክትባት በአግባቡ እንዲከተቡ በማድርግ ነው፡፡ የልጅነት ልምሻ (የፖሊዮ) በሽታ በአማራ ክልል በነሐሴ ወር 2012 ዓ.ም ኦሮሞ ብሄረሰብ አስተዳደር ዞን በመከሰቱ ምክንያት በተሰራው የተጋላጭነት ዳሰሳ መሰረት በአማራ ክልል በተመረጡ 3 ዞኖች /ደቡብ ወሎ፣ ሰሜን ሸዋ እና ኦሮሞ ብሄረሰብ አስተዳደር/ እንዲሁም ደሴ ከተማ አስተዳድር በሚገኙ ሁሉም ወረዳዎችና ቀበሌዎች ዕድሜያቸው ከ5 ዓመት በታች ለሆኑ ህፃናት የመጀመሪያ ዙር ክትባት ከህዳር 18-21 ቀን 2013 ዓ/ም እንደተሰጠ ይታወቃል፡፡ ሁለተኛው ዙር የልጅነት ልምሻ (የፖሊዮ) በሽታ መከላከያ ክትባት ዘመቻ ከታህሳስ 9-12 ቀን 2013 ዓ.ም እየተካሄደ ሲሆን በእነዚህ ቀናት ክትባቱን የሚሰጡ ባለሙያዎች ወደየቤታችሁ ስለሚመጡ እድሜአቸው ከ5 ዓመት በታች የሆኑ ህፃናት ከዚህ በፊት የፖሊዮን ክትባት ቢከተቡም ባይከተቡም ሁለተኛውን ዙር ክትባት መውሰድ አለባቸው፡፡ ወላጆችና አሳዳጊዎች በተጠቀሰው ቀናት ልጆቻችሁን እንድታስከትቡ እያሳወቅን በሚያስከትቡበት ጊዜ የኮኖና በሽታ መከላከያ የጥንቃቄ መንገዶችን ማለትም እጅን በተደጋጋሚ በመታጠብ፣ አካላዊ ርቀትን በመጠበቅና አፍና አፍንጫን በመሸፈን እንዲሁም ቤት በመቆየት ራስዎንና ቤተሰብዎን ከኮሮና ቫይረስ ይጠብቁ፡፡
አዲሱ የኢንስቲትዩቱ ዋና ዳይሬክተር ከኢንስቲትዩቱ ሰራተኞች ጋር ትዉዉቅ አደረጉ፤

አዲሱ የኢንስቲትዩቱ ዋና ዳይሬክተር ከኢንስቲትዩቱ ሰራተኞች ጋር ትዉዉቅ አደረጉ፤

የአማራ ክልል የህብረተሰብ ጤና ኢንስቲትዩት አዲስ የተመደቡት የኢንስቲትዩቱ ዋና ዳይሬክተር አቶ በላይ በዛብህ ከኢንስቲትዩቱ ሰራተኞች ጋር የትዉዉቅ እንዲሁም በተከናወኑና ወደፊት በሚከናወኑ ተግባራት ላይ ያተኮረ የዉይይትና የምክክር መድረክ ታህሳስ 3 ቀን 2013 ዓ.ም በደብረ ታቦር ከተማ ተካሄደ፡፡ በትዉዉቅ ስነ ስርዓቱና የተግባራት ዉይይት ወቅት ኢንስቲትዩቱ የተቋቋመባቸዉ ዋናዋና ዓላማዎች፣ ከተቋቋመበት ዓላማ አኳያ እየተከናወኑ ያሉ ተግባራት፣ የነበሩ ክፍተቶችና ያጋጠሙ ተግዳሮቶችና ወደፊት መከናወን ያለባቸዉ ተግባራት በዝርዝር ለዉይይት መነሻ የሚሆን ፅሁፍ በእቅድ ዝግጅት ክትትልና ግምገማ ዳይሬክቶሬት ዳይሬክተር አቶ ተሰጋ መንግስቱ አቅርበዋል፡፡ ከኢንስቲትዩቱ ሰራተኞች ጋር በይፋ ትዉዉቅ ያደረጉት አዲሱ የኢንስቲትዩቱ ዋና ዳይሬክተር አቶ በላይ በዛብህ ተቋሙ እያከናወናቸዉ ካሉ ስራዎች ጎን ለጎን ተጨማሪና ተጠናክረዉ እንዲቀጥሉ ትኩረት በሚያስፈልጋቸዉ ተግባራት ዙሪያ መነሻ ሃሳቦችን ያቀረቡ ሲሆን የኢንስቲትዩቱን ገፅታ ከፍ ለማድረግ ከአመራሮችና ሰራተኞች ጋር ለመስራት ዝግጁ መሆናቸዉን ገልፀዉ የሁሉም ትብብር በጣም ያስፈልጋልና በጋራ እንሰራለን የሚል መልእክታቸዉን አስተላልፈዋል፡፡ በዉይይቱም በዳይሬክተሩ ሊከናወኑ የታሰቡና መነሻ ሃሳቦች የሚበረታቱና ተቋሙን ወደ ተሻለ ምዕራፍ የሚያሸጋግሩ መሆናቸዉንና ሁሉም የኢንስቲትዩቱ አመራርና ሰራተኛ አንድ በመሆን ግንባር ቀደም ተቋም ለማድረግ በርብርብ መስራት እንደሚያስፈልግም ተሳታፊዎች ገልፀዋል፡፡ በመድረኩ የኢንስቲትዩቱ የደሴና ባህርዳር አመራሮችና ሰራተኞች እንዲሁም ከጤና ቢሮ ተሳትፈዉበታል፡፡
ጥራትን ያለው የላቦራቶሪ አገልግሎት ለመስጠት የውጭ ጥራት ቁጥጥር (EQA) ስራዎችን መተግበር እንደሚገባ ተገለፀ፤

ጥራትን ያለው የላቦራቶሪ አገልግሎት ለመስጠት የውጭ ጥራት ቁጥጥር (EQA) ስራዎችን መተግበር እንደሚገባ ተገለፀ፤

የአማራ የህብረተሰብ ጤና ኢንስቲትዩት የጤና ተቋማት የላቦራቶሪን የውጭ ጥራት ቁጥጥር (EQA) እና የኮሮና ቫይረስ የምርመራ ማዕከላት አፈፃፀም ከህዳር 25-26/2013 ዓ.ም በደብረ ታቦር ከተማ ገምገሟል፡፡ በመድረኩ ጥራት ያለው የላቦራቶሪ አገልግሎት ለህብረተሰቡ ለመስጠት የውጭ ጥራት ቁጥጥር (EQA) ስራዎችን መተግበር እንደሚገባል የኢንስቲትዩት ምክትል ዋና ዳይሬክተር ዶ/ር ማህተመ ኃይሌ ገልፀዋል። የውጭ ጥራት ቁጥጥር (EQA) እና የኮሮና ቫይረስ ምርመራ ማዕከላት አፈፃፀም እንዲሁም የ2013 በጀት ዓመት የጋራ ዕቅድ ቀርቧል። የኮሮና ወረርሽኝ መከሰት፣ የግብዓት አቅርቦት እጥረት፣ የማሽን ብልሽት፣ ሪፖርት በወቅቱ አለመላክ፣ ድጋፍና ክትትል በወቅቱ አለማድረግ፣ የትርፍ ሰዓት ክፍያ እና ሌሎች ችግሮችና ጥያቄዎች ከተሳታፊዎች ተነስተው ውይይቱ ተደርጎባቸዋል፡፡ የኢንስቲትዩቱ ዋና ዳይሬክተር አቶ በላይ በዛብህ በበኩላቸው የተሰሩ ስራዎች ጥሩ መሆናቸውን ገልፀው የኮቪድ-19 ወረርሽኝ ስርጭት በከፍተኛ ሁኔታ እየጨመረ በመሆኑ የተቀዛቀዘው የመከላከል ስራችንን መነቃቃት እንዳለበት አሳስበዋል፡፡ ዋና ዳይሬክተሩ አያይዘውም አንድ ባለሙያ ንቃተ ህሊናው ፣ ሙያውን አክብሮ የሚሰራ እና ሁለገብ መሆን እንዳለበት ገልፀው ተባብረን ከሰራን ለውጥ እናመጣለን ብለዋል፡፡ በመድረኩ ማጠቃለያ ላይ ዶክተር ማህተመ ያጋጠሙ ችግሮችን ለመፍታት ጥረት እየተደረገ መሆኑን አውስተው የኮቪድ-19 ስራችንን ከሌሎች የጤና ስራዎች ጋር አቀናጅተው መስራት እንዲሁም የድጋፍና ክትትል ስርዓታችንን በማጠናከር የተሻለ ውጤት ለማምጣት መስራት እንዳባቸው አሳስበዋል፡፡